THE SHARP EDGE OF A RAZOR IS DIFFICULT TO PASS OVER; THUS THE WISE SAY PATH TO SALVATION IS HARD.
KATHA-UPANISHAD
Name : The Razor’s Edge
Author : W. Somerset Maugham
ட்விட்டர்ல நிறைய பேர் “என்ன வாழக்கைடா இது “ அப்படின்னு ட்வீட் பண்ணிகிட்டே இருப்பாங்க. அதை நிறைய பேர் ரீட்வீட் பண்ணுவாங்க. ஆனா இவங்க யாருமே, இப்ப வாழ்ந்துக்கிட்டு இருக்கிற வாழக்கையை விட்டுட்டு, வாழ்க்கைன்னா என்ன நாம எப்படிப்பட்டவங்க அப்படின்னு தெரிஞ்சுக்கப் பாக்கறது இல்லை. எனக்குக்கூட சில சமயம் இது தோணும், வாழ்க்கையே பயங்கர வலியா இருக்கே, எல்லாத்தையும் விட்டுட்டு, பரதேசியா போயிடலாம், ஊர் ஊரா சுத்திட்டு இருக்கலாம்னு. ஆனா அடுத்த நொடியே எதாவது ஒரு கடமை வந்திடும், வேலைய பார்க்க போயிடுவேன். வாழ்க்கை ஒரு விதமான காதல்-வெறுப்பு மனநிலையிலேயே போகிறது.
என்னுடைய இளநிலை பட்டபடிப்பில், மாம் (Maugham) எழுதிய இரண்டு சிறுகதைகள் படித்திருக்கிறேன். இளநிலை முடித்த இரண்டு வருடங்கள் கழித்து அந்த சிறுகதைகளை மறுபடி வாசித்தபோது, அவர் உருவாக்கின கதை மாந்தர் மனதை விட்டு அகலவே இல்லை. அதைத் தொடர்ந்து, நிறைய இடங்களில் இந்த புத்தகத்தைப் பற்றி பலரும் பேசியிருக்கவே, இந்த முறை எப்படியோ வாசித்து விட்டேன்.
